Religion

Klagene haglar mot NMS etter sommarkampanje

SMS-STORM: Generalsekretær Helge S. Gaard i NMS beklagar ordbruken i misjonsorganisasjonens sommarkampanje. – Forstår at folk reagerte

Mange trudde at NMS var hacka då sms-meldinga – signert generalsekretær Helge S. Gaard – plinga inn til givarane som sommarkampanje.

Der sto det:

«Verdensfreden står på spill. Jeg vet at du ønsker å skape fred og trygghet. Derfor får du snart et brev i posten. En sommergave for fred kan du også vippse til 752923. Vi håper å høre fra deg. God sommer fra Helge Gaard, generalsekretær».

Det var ikkje alle givarane nøgde med, skriv NMS sjølv på nettsidene sine.

Verdsfreden «på spel»

Klagene skal ha hagla inn sidan – spesielt mot formuleringa «verdensfreden står på spill».

– Det fekk dei til å tru at NMS trur at vi kan sikre fred i verda, seier Gaard.

– Eg godkjende sjølv teksten, men i ettertid må eg seie at eg kan forstå at folk reagerte. Ein misjonsorganisasjon som NMS kan sjølvsagt ikkje sikre verdsfreden åleine, seier generalsekretæren til NMS.no.

Likevel held sommarkampanjen fram – trass at ordbruken «ikke helt samsvarer med det som er NMS oppgave på ulike misjonsfelt», som NMS skriv.

Gaard er stolt over fredsarbeidet til misjonsorganisasjonen.

– Det var fortvilinga over krig og urett som førte til at vi brukte så sterke ord. Når vi ser at menneske lid på grunn av krig og konflikt, blei vi så opprørte at vi nok brukte for sterke ord, seier Gaard.

Ruth Einervoll Nilsen

Ruth Einervoll Nilsen

Mer fra: Religion