Oslo Universitetssykehus har tilsett muslimsk samtalepartnar

– Her har ein nok tenkt at ein ynskjer å ha ein imam. Eg rekna ikkje med at dei kom til å tilsetje ei kvinne, men eg er litt overraska over at dei har valt ein så ung person. Også er det positivt å sjå at dei har tilsett nokon frå eit norsk-somalisk miljø, som trass i alt er den største gruppa muslimar i Noreg, seier Linda Noor, dagleg leiar i Minotenk.

I november skreiv Vårt Land at Oslo universitetssykehus og sjukeheimsetaten i Oslo hadde fått midlar til å tilsetje ein sjukehusimam. Bakgrunnen for å opprette stillinga er at ein har eit ynskje om at pasientar og pårørande som tilhøyrer andre trus- og livssynssamfunn enn kristne skal ha eit likeverdig tilbod. Etter kvart endra ein stillingstittelen til muslimsk samtalepartnar og vegleiar, sidan imam ofte er ein posisjon reservert for menn.

Mange søkjarar