Religion

Frå bedehusland til imamkyss i Aserbajdsjan

Per Oddvar «Prots» Hildre, dirigent for Skruk, møtte Vårt Lands Ingeborg Misje Bergem i Vår Frue kirke. Høyr heile Min tro-intervjuet her.

Bilde 1 av 2

– Eg er ikkje den som er mest begeistra for karismatikk, men eg har opplevd det, seier Prots.

Prots vaks opp på eit bedehus i Sunnmøre og den pietistiske rørsla sit framleis i ryggen hans, men han har også hatt sine karismatiske opplevingar.

– Ein dag vakna eg euforisk og låg og talte i tunger! Det var som om ein foss som rann ut og eg fekk tømt meg for masse skit og dårleg samvit. Det varte ei veke.

Lytt til podcasten her: 

Strengt og uforståeleg

Trass karismatiske opplevingar er det den pietistiske bedehusrørsla som ligg nærast hjartet til kordirigenten.

– Bedehuset sit i ryggmarken og har gjort det heile livet. I ettertid ser eg kor strengt og uforståeleg mykje av det som blei sagt og gjort var. Men eg opplever at åtvaringane blei gitt med stor kjærleik. Foreldra mine ville beskytte meg så eg ikkje skulle falle frå. Så eg elskar bedehuset.

Med bedehuspietisme i bagasjen kom Prots til eit friare studentmiljø i Volda.

– Då eg byrja på lærarskule i Volda sat folk i venelag og spelte kort, noko eg hadde lært var synd. Dansa gjorde dei òg, det var jo enno verre! Så oppdaga eg at dette er fantastiske folk. Så eg byrja spele kort, og etter kvart dansa eg òg. Det utvida livsgleda mi veldig.

– Religion er råskummelt. Når oppriktig gode og truande menneske vil gjere guds vilje, kan dei bli utnytta av autoritetar som kan få dei til å gjere forferdeleg stygge ting. Det viser kyrkjehistoria, og islam i dag. Det er ein del maktfolk som bruker religion til å forføre gode, truande og oppriktige muslimar.

Stormfullt møte

Prots har reist mykje i verda og treft mange muslimar. Eit møte med ein imam i Aserbajdsjan gløymer han aldri.

– Vi vart inviterte heim til ein imam. Han spurde kva som eigentleg er skilnaden på det vi trur på. «Vi trur Jesus er Guds son», svara eg. Då eksploderte han og sa «Det finst kun ein Gud!». Same kvelden skulle vi ete lam. Då vi kom inn, reiste imamen seg og gjekk vekk.

Neste morgon kom ein audmjuk imam til frukost og bad om årsak. Prots var ikkje vanskeleg å be.

– I desse landa er det vanleg at mannfolk kyssar kvarandre på munnen. Så eg spurde han om vi kunne gjere det. Ja, sa han og la frå seg sneipen og drog fingrane gjennom skjegget mitt medan tårene rann frå auga hans. Så kyssa vi kvarandre midt på truten så slevet dreiv rundt oss!

Same Gud

Møte som dette har sett djupe spor i Prots.

– Eg har fått ein veldig respekt for dei som ber til Allah. Dette er kjettersk å seie dette, men eg trur vi ber til same Gud.

Les mer om mer disse temaene:

David Sviland

David Sviland

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Religion