Ein komedie frå travmiljøet høyrest i utgangspunktet ut som ein god idé. Jakten på Berlusconi handlar om ein travkusk som skuldar pengar, to etterforskarar frå Økokrim og ei handfull store og små kriminelle. Med framståande komikarar som Morten Ramm og Atle Antonsen på rollelista skulle ein kanskje tru at filmen kunne bli eit minstemål av morosam. Men verken Ramm eller Antonsen kan redde denne filmen. I staden fislar Jakten på Berlusconi ut i eit knippe halvgode sketsjar og påfunn.