Verden

Erdogan samanliknar demonstrerande studentar med terroristar

Det har vore store studentdemonstrasjonar mot president Recep Tayyip Erdogan i Tyrkia den siste månaden. Erdogan samanliknar studentane med terroristar.

– Akkurat slik vi har sendt terroristar til grava, vil vi òg halde fram med å gjere det same alle andre stader, seier Erdogan, med tilvising til dei militære reaksjonane mot prokurdiske opprørarar søraust i Tyrkia.

Bakgrunnen for demonstrasjonane er at Erdogan utnemnde ein av partifellane sine som leiar av det eksklusive Bogazici-universitetet i Istanbul. Det har ikkje falle i god jord hos studentane i landet, som har halde store demonstrasjonar på campusar rundt om i landet den siste månaden.

Tysdag braut det ut kampar mellom politi og demonstrantar både i Istanbul og Ankara. Politiet brukte gummikuler og tåregass mot studentane. Politiet arresterte opp mot 170 personar. Onsdag var framleis 29 personar i politivaretekt, ifølgje styresmaktene.

Enkelte av artiklene i Vårt Land er forbeholdt abonnenter. Vi jobber hver dag for å levere dagsaktuelle nyheter og god journalistikk. Bli abonnent og få tilgang til alt innholdet vårt. Er du allerede abonnent? Takk for at du støtter oss så vi kan fortsette å levere kvalitetsjournalistikk hver dag!


Annonse
Annonse

Mer fra: Verden