SV om atom-rapport som ikkje får støtte: – Eg reagerer veldig sterkt
KONFLIKT: Norsk Folkehjelp har ikkje fått pengar til rapport om atomvåpen. Ingrid Fiskaa (SV) gjev klar beskjed: – Dette er ikkje i tråd med budsjettforliket.
PÅ BORDET: Ein atomvåpen-rapport har ikkje fått støtte frå Utanriksdepartementet. Saka er no tema for samtalar mellom SV og regjeringa, fortel Ingrid Fiskaa, utanrikspolitisk talsperson for SV.
Javad M.Parsa
Ein rapport om atomvåpen har vore eit stridstema mellom Utanriksdepartementet og Norsk Folkehjelp i over eit halvt år. UD har skildra rapporten som noko som kan gje «ytterlegare polarisering», og har ikkje betalt ut støtte til rapporten.
Nyleg gjekk den LO-starta bistandsorganisasjonen Norsk Folkehjelp ut i Vårt Land med eit frontalangrep på Støre-regjeringa. Regjeringa blir skulda av Folkehjelpa for forsøk på å overstyra sivilsamfunnet.
No kjem regjeringas budsjettpartnar SV på banen.
