Slik kan Trump endra kristen-USA
PROJECT 2025: Å halda sabbaten heilag og lata kyrkjer ta over velferdsoppgåver. Slik skisserer ein konservativ plan tida etter at Donald Trump blir president.
EIN PLAN: Kristen Eichamer og Spencer Chretien snakkar med Russ Pinta (til venstre) under eit folkemøte i Iowa hausten 2023. Konservative Project 2025 har laga slagplanen for kva som kan skje når Donald Trump blir president.
Charlie Neibergall
20. januar 2025 blir Donald Trump teken i eid som USAs neste president. Kva skal skje i tida etter at Trump har halde handa over Bibelen og sagt orda «So help me God»?
Ein peikepinn kan ein finna i eit kontroversielt politisk program.
Programmet med namn Project 2025 er laga av ein konservativ tenketank med band til Trump. Dokumentet på over 900 sider vart offentleggjort i september i fjor.
