Skulle kutta fossil – Den norske kyrkja har framleis seks millionar i olje og gass
FOSSILFRI: I 2022 vedtok Den norske kyrkja å selja seg ut av fossil-selskap innan 2023, seinast 2024. I dag har kyrkja dobbelt så høg verdi på fossil-investeringane sine som i 2021.
NORDSJØEN: Oljefeltet Johan Sverdrup står for om lag ein tredel av norsk oljeproduksjon. Den norske kyrkja skal etter planen ut av olje- og gass-selskap.
Carina Johansen/NPK
For to år sidan kom Den norske kyrkja (DNK) med eit vedtak som fekk stor merksemd: Dei lova å kutta ut investeringar i fossil energi innan 2023, og seinast i 2024.
Medan siste frist nærmar seg, kan Vårt Land no melda at DNK framleis har nesten seks millionar kroner investert i selskap knytt til olje- og gass. Aksjeverdien på desse plasseringane er dobbelt så høge i dag som i 2021.
Og: Den norske kyrkja har enno ingen endeleg strategi for korleis dei skal bli fossilfrie i løpet av året. Først i august skal finansutvalet i DNK ta ei endeleg vurdering i saka.
