Sende to kvinner med tvang til Etiopia - ei har vore her i over 20 år
RETUR: To kvinner blei tvangsreturnerte til Etiopia tysdag kveld. No prøver politiet å sende ein og to for å unngå merksemd om tvangsreturane, seier flyktningnettverk.
SAMLET: Yemane-nettverket var tysdag samla til møte: Lemma Desta (t.v.), Marit Gjærum frå Internasjonal Kvinneliga for fred og frihet (IKFF), Torbjørg Aalborg frå Trefoldighetskirken, Trude Hellesøe frå Mennesker i limbo.
Privat
– Me har snakka med kvinnene, dei er på flyplassen, dei skal gå om bord på flyet som er i Addis Abeba i morgon tidleg, fortalde Trude Hellesø og Lemma Desta til Vårt Land tysdag kveld.
Onsdag morgon stadfestar Hellesø til Vårt Land at kvinnene ikkje blei avviste av etiopiske styresmakter då dei var vel framme i Etiopias hovudstad.
– Dei er på eit hotell i byen. Denne gongen lukkast Norge med tvangsreturen.
