Russiske fengselsstyresmakter: Aleksej Navalnyj er død

Opplysningane blir gjengitt fredag av nyheitsbyrået Reuters. Det er fengselsstyresmaktene i regionen Jamal-Nenets, der Navalnyj har sete fengsla, som kunngjer at han er død.

Navalnyj var den mest profilerte kritikaren av Vladimir Putin då han i august 2020 vart forgifta. Han returnerte til Russland etter behandling i Tyskland og vart då arrestert.

Han har inntil no sete fengsla i ein straffekoloni i Jamal-Nenets, som ligg nord i det sentrale Russland. Han har sona fleire ulike straffer på til saman over 30 år.