Regjeringa og Frp strammar til mot islamske gjevarar
Norske moskear som veit dei mottek støtte frå totalitære islamske statar, skal bli nekta offentleg støtte.
Taiba moské i København har fått ein donasjon på kring 6,5 millionar kroner frå Saudi-Arabia, noko som får både den sosialdemokratiske regjeringa og den borgarlege opposisjonen til å rase.Bjørgulv K. Bjåen
Fleirtalet i både Stortinget og danske Folketinget (sjå eiga sak) ønskjer å ramme pengegåver frå konservative muslimske regime som raust deler ut millionar til moskear i Europa.
– Me skal stoppe pengegåver frå autoritære statar, forklarar stortingsrepresentant Himanshu Gulati (Frp), og legg til:
– Me skal ikkje stoppe donasjonar frå tyske katolikkar til norske katolikkar.
