Presidenten i Stortinget avslår invitasjon til Israel
HAMAS-ISRAEL-KRIGEN: Stortingspresident Masud Gharahkhani (Ap) er invitert til Israel. Han takkar nei til å sjå nærare på dei dødelege terrorangrepa 7. oktober. – Veldig trist, seier Israel-ven.
PRESIDENTEN: Arbeidarpartiets Masud Gharahkhani følgjer trontaledebatten i oktober. Han har vore stortingspresident sidan november 2021.
Erlend Berge
Han er nest etter kongen i rang, han som no takkar nei til offisiell studietur til Israel:
«Det stemmer at stortingspresident har mottatt brevet. Og vil takke for invitasjonen. Det er ingen planer for at stortingspresident reiser til Midtøsten på nåværende tidspunkt», skriv sekretariatet til Masud Gharahkhani i ein epost til Vårt Land.
Invitasjonen frå Gharahkhanis israelske kollega kom i november. Amir Ohana, president i Knesset, Israels nasjonalforsamling, ønskjer besøk av han som er Norges fremste politikar.
