Opplyste ikkje at han er KrF-politikar lokalt
OPPRUSTING: Ein avdelingsdirektør i Forsvarsdepartementet fortalte lokalpolitikarar kvifor Asker kommune er eigna for ny sprengstoff-fabrikk. Han opplyste ikkje om at han også er nestleiar lokalt i KrF.
POLITISK MØTE: I slutten av februar orienterte avdelingsdirektør i Forsvarsdepartementet Frode Halgunset om ny sprengstoff-fabrikk, i møte med formannskapet i Asker kommune.
Skjermdump: Asker kommune
Forsvarsdepartementet vurderer ein ny sprengstoff-fabrikk på Hurumlandet i Asker kommune. Saka møter stor lokal motstand.
I slutten av februar var formannskapet i kommunen samla for å få ei orientering om planane.
Frå Forsvarsdepartementet stilte avdelingsdirektør Frode Halgunset. I innlegget fortalde han mellom anna kvifor Hurumlandet er ein eigna plassering for ny fabrikk.
