Olufsen-Mehus: – Vi må velje mellom innvandring og bistand
KRF: Han stiller spørsmål ved innvandringspolitikken, er for atomkraft, og meiner andre kriser er viktigare enn klimaendringane. Slik vil Truls Olufsen-Mehus endra KrF, om han får bestemme.
UTFORDRAR: I forkant av KrF sitt ekstraordinære landsmøte i fjor haust stilte Truls Olufsen-Mehus som leiarkandidat i partiet. No vil han utfordre partiet på klima- og innvandringspolitikken.
Erlend Berge
– KrF treng ein Ebba Busch-figur. Ho er ein politikar som stiller seg i angrepsposisjon, seier Truls Olufsen-Mehus.
Den kontroversielle leiaren i Troms og Finnmark KrF har markert seg med standpunkt og utsegn som har gjort han meir synleg enn dei fleste fylkesleiarane i partiet. Men dette har også skapt uro blant mange av partikollegaane hans, som Vårt Land tidlegare har skrive om.
I dette intervjuet spør vi han om kva han ønskjer for partiet og kva han meiner dei burde gjere annleis.
