Obama kuttar Chelsea Mannings fengselsstraff med 28 år
Aldri tidlegare har så mange straffedømde bedt ein president om å sjå i nåde til dei. Ingen har benåda så mange som Barack Obama i nyare tid.
Støttespelarane til Bradley Manning, seinare Chelsea Manning, har lenge bede president Barack Obama, som har hatt sete i Det kvite hus i åtte år, om å kutte straffa hennar. Tysdag kutta han fengselsdommen med 28 år.
Pablo Martinez Monsivais
Tre dagar før han avsluttar jobben som USA 44. president, har Barack Obama brukt presidentmakta til å barbere fengselsstraffa til varslaren Chelsea Manning med heil 28 år. Ho skulle eigentleg ha vore innelåst fram til 2045.
Saman med Manning fekk også 208 andre straffedømde oppleve at Obama såg i nåde til dei på tysdag; straffene blei kutta kraftig ned av presidenten. 109 av dei 209 var dømde til fengsel på livstid.
LES MEIR Obama besøkte moské for første gong
