Babylons hengande hagar – eitt av verdas sju underverk – vert ofte vist til som førebilete for moderne takhagar. Men låg hagane verkeleg i Babylon?
Rekonstruksjonsteikning frå 1800-talet av dronning Semiramis hagar, også kjent som Babylons hengande hagar. Teikninga er henta frå H. Jägers bok frå 1888.H. Jäger/Store norske leksikon
Alt vi veit om Babylons hengande hagar, er skrive av menneske som sjølve aldri såg dei. Blant dei er fleire greske oldtidsforfattarar.
Pyramideforma
Hagane skal ha vore ein del av palassområdet og var bygd som ei pyramide. Sidene skal ha vore rundt 120 meter lange, og kvar terrasse var støtta opp av søyler.
