Kyrkjekutt på 250 millionar utgjer 160 færre prestestillingar
STATSBUDSJETTET: Høgre, Venstre og Frp barberer vekk millionar i statsstøtte til Den norske kyrkja. Regjeringa åtvarar: Borgarleg kyrkjekutt kan vere grunnlovsstridig.
KYRKJEKUTTKOMPISAR: Om partia Erna Solberg (H), Sylvi Listhaug (Frp) og Guri Melby (V) leiar får det som dei vil, blir det færre prestar i Den norske kyrkja. Olaug Bollestad (KrF) leier det einaste borgarlege partiet som ikkje vil ha millionkutt i kyrkja.
Heiko Junge
Konsekvensen av å barbere statsstøtta til Den norske kyrkja med 250 millionar kroner kan bli at 160 soknepreststillingar forsvinn, opplyser departementet til Sp-statsråd Kjersti Toppe, som styrer trus- og livssynspolitikken til Støre-regjeringa.
Utrekninga blir lagt på bordet etter at Høgre stilte eit spørsmål til Barne- og familiedepartementet (BFD).
Når statsbudsjettet er lagt fram i oktober, kan alle partifraksjonane i Stortingets finanskomité be fagdepartement rekne ut kva det måtte vere.
