Konservativ kristen statsminister i Finland
Juha Sipilä er læstadianaren som blei IT-millionær før han gjekk inn i politikken.
Juha Sipilä poserer gjerne saman med veljarar i Helsinki. Leiaren av Centern blir etter alt å døme ny statsminister i Finland etter riksdagsvalet i morgon.
LEHTIKUVA
Riksdagsvalet i 2011 blei eit jordskjelvval. Det høgrepopulistiske partiet Sannfinländarna, som har ein venstreorientert velferdspolitikk, firedobla oppslutninga. Kvar femte finne stemte på partiet som er sterkt kritisk til EU, NATO, innvandring – og svenskundervisning på finske skular.
Men sannfinnane gjekk rett i skuggedalen. I god finsk tradisjon – landet manglar tradisjon for blokkdanningar – fann ein brei koalisjon saman for å styre vårt naboland. Samlingspartiet, Finlands Høgre, gjekk saman med Socialdemokraterna, miljøpartiet Gröna forbundet, sosialistiske Vänsterförbundet, Kristdemokraterna og Svenska folkpartiet.
Den store taparen blei det mektige, statsberande Centern, partiet som ligg ein stad mellom norske Arbeidarpartiet, Senterpartiet og Venstre - og som har styrt Finland i lange periodar i etterkrigsåra, og som har eit sterkt eigarskap til den finske velferdsstaten.
