Joshua French skal tene pengar på å fortelje om dødsdomen
Joshua French var leigesoldat i Afrika – og enda opp i fengsel i Kongo. Utanriksdepartementet brukte nesten fem millionar på Kongo-saka. No skal Frenchs Afrika-forteljingar fylle kulturhus.
Joshua French på cella i fengselet i Kisangani i Kongo i 2010. Samla sat han åtte år i kongolesiske fengsle.
Thomassen, Christian
– Eg er rysta.
Halle Jørn Hanssen er ein Afrika-veteran. Han var NRKs første korrespondent på det store kontinentet i fire år, så informasjonssjef i Norad og til sist generalsekretær i Norsk Folkehjelp, ein hjelpeorganisasjon med sterkt engasjement i Afrika sør for Sahara. Som pensjonist har Hanssen vore engasjert som rådgjevar i Sør-Sudan.
– Det er fullstendig grotesk. French var ein som leigde seg ut for pengar, og no skal han halde foredrag om dette i kulturhus i bygd og by.
