Israel-vener har brukt nesten 300.000 på vakthold. Blir avviste i departementet
SØKJER STØTTE: Med Israel For Fred seier dei blir plaga av «truende mobb». Organisasjonen leiger inn vektarar til å vakte møter.
ISRAEL-VENN: Conrad Myrland er dagleg leiar i Med Israel For Fred.
MIFF
– Det burde ikkje vore nødvendig i eit land med ytringsfridom og organisasjonsfridom at vi må bruke nesten 300.000 kroner for å verne våre deltakarar på arrangement, seier Conrad Myrland til Vårt Land.
Han er dagleg leiar i organisasjonen Med Israel For Fred (MIFF). Nå har han søkt Justisdepartementet om økonomisk støtte til vektarrekninga.
Men departementet sender MIFF vidare til eit statleg tilsyn.
