I vinter kan det bli åtte grader inne i denne butikken. No kan dei få straumstøtte
STRAUMKRISE: Ekteparet Tansu og Hasan Baykus har på seg ytterklede på jobb og har skrudd av kjøleskap og lys på nærbutikken dei driv. No kan dei få straumstøtte.
SPARER: Ekteparet Tansu og Hasan Baykus gjer det dei kan for å halda straumforbruket nede i butikken. Likevel er straumrekninga femdobla sidan i fjor.
Erlend Berge
Ekteparet Tansu og Hasan Baykus hadde på seg varme ytterklede då Vårt Land besøkte butikken deira i Telemark førre veke. Fleire kjøleskap og lys var slått av i butikken og det var kaldt i lufta.
Dei driv Matkroken i bygda Hovin i Telemark, og gjer alt dei kan for å få ned straumrekninga.
Måndag denne veka fekk ekteparet ei gladnyheit: Nærbutikkar får 23 millionar kroner ekstra i straumstøtte. Pengane skal gå til butikkar i Merkur-ordninga.
