Han er redd Vestbreidda skal bli det nye Gaza: – Me vil ha fridom og fred
VESTBREIDDA: Valden og åttaka på Vestbreidda aukar, ekspert sier mange fryktar vidare annektering. Gjeld internasjonal lov berre for vestlege folk? spør palestinaren Issa Amro.
20 ÅR MED MOTSTAND: Issa Amro, palestinsk menneskerettsaktivist busett i Hebron på Vestbreidda. Han har jobba med ikkje-valdeleg motstand mot den israelske okkupasjonen i 20 år gjennom organisasjonen Youth Against Settlements.
Right Livelihood
Det er våpenkvile på Gazastripa, men på den israelskokkuperte Vestbreidda aukar valden. Befolkninga her har i aukande grad vorte utsett for vald frå israelske styrkjer og ulovlege israelske busetjarar sidan Hamas-angrepet på Israel 7. oktober 2023 – der minst 1.100 personar vart drepne og 251 vart tekne som gislar av Hamas.
– Den israelske regjeringa har stengt Vestbreidda heilt, det er full lockdown, fortel palestinaren Issa Amro til Vårt Land.
Amro er menneskerettsaktivist basert i byen Hebron, sør på Vestbreidda. Han fortel at folk ikkje får reise frå mellom byar, og nokre plassar ikkje eingong forlate heimane sine.
