Halvparten av frimurarprestar er pensjonistar
FORGUBBING: Minst 40 av 78 frimurarprestar som Vårt Land kjenner til, er gått inn i pensjonistanes rekker. Sokneprest David André Tys går mot straumen, som relativt ung frimurar.
ELDRE MENN: Det storslegne Stamhuset er hovudkvarteret for Den norske frimurarorden. Berre menn får vera med i organisasjonen, og snittalderen er 65 år.
Synne Folstad Moen
Vårt Land har fått tilgang til ei liste med 78 namn på frimurarprestar. Dei er med i Frimurarordenens eksklusive presteskap, det sokalla Clericiet.
Dette er frimurarar som også er ordinerte prestar frå ulike kyrkjelydar, både i og utanfor Den norske kyrkja.
Lista viser medlemmer ved inngangen av 2024. Vårt Land har sjekka namna i opne kjelder og funne at minst 40 av dei 78 mennene er pensjonistar. Enten ved at dei blir omtala som pensjonistar, eller at dei er over 70 år, som er pensjonsalder for prestar.
