Frelsesarmeen passerer snart milliarden

Frelsesarmeen kan notere eit nytt godt økonomisk år. Konsernrekneskapen for Frelsesarmeen i Noreg viser ein omsetnad på 914 millionar kroner og eit overskot på 59 millionar kroner, melder KPK.

Forvaltningssjef, major Jan Risan, seier overskotet gjer det mogeleg for Frelsesarmeen å gi omsorg for heile mennesket også i framtida.

- Vi legg vekt på å vere langsiktige og nøkterne for å gi ei hjelpande hand til flest mogeleg trengande. Frelsesarmeen er særs takksam til alle givarar, samarbeidspartnarar og alle tilsette, medlemer og frivillige for gåver og innsats i 2006, seier han til KPK.