Får hyllest for 17. mai-trend
Glad sørlandsungdom har starta heiagjengar til barnetoget i Oslo, Bergen og Stavanger.
Entusiastisk sørlandsungdom står kvart år i bresjen for å fylle svingen på nedsida av Slottet med jubel og heiarop retta mot borna. Lyslugg og brøleape, Erlend Roaldsnes (bakerst i midten), er ein av grunnleggjarane av jubelbølgja.
Anders Myklebust
Lufta er varm, bjørka står lysegrøn og Stenbråten skole passerer slottet. Kongefamilien vinkar med stive handledd. Deretter gjer toget ein sving og forsvinn ned mot Henrik Ibsens gate. Så skjer det:
«Vift med flagget - vift med flagget - vift med flagget!»
Det taktfaste ropet kjem frå ein stor flokk ungdommar som står langs barnetog-traseen. Borna i toget løfter sine hundrevis av flagg mot himmelen og ristar laust.
