Færre tyrkarar får asyl: – Me ville ikkje vore her om me ikkje måtte
ASYL: UDI meiner faren for fengsling i Tyrkia har gått ned, men flyktningane sjølve melder om lite endring. Forfattar og tidlegare KrF-topp reagerer.
FRYKTAR FENGSLING: Tyrkiske Lale Nur Gülenç har søkt om asyl i Norge, og fått avslag. Ho er tilknytt Hizmet-rørsla og fryktar fengsling om ho reiser tilbake.
Erlend Berge
I fleire år etter kuppåret 2016 fekk rundt 90 prosent av dei tyrkiske flyktningane som søkte asyl i Norge, innvilga søknaden sin. I 2018 toppa flyktningar frå Tyrkia asylstatistikken i Norge, viser tal frå Utlendingsdirektoratet (UDI).
Men no opplever fleire å få avslag.
I 2024 fekk 37 prosent av tyrkiske flyktningar asyl i Norge. Det utgjer 106 personar av dei 285 som fekk søknaden sin behandla.
