Eksminister og bondetopp vil bli statsforvaltar i nord
STATENS STYRAR: Tidlegare statsråd og nestleiar i Arbeidarpartiet, Helga Pedersen, vil bli statens kvinne i Troms og Finnmark. Ho får sterk konkurranse frå ein Ap- og ein Sp-politikar.
Helga Pedersen vil ut av politikken. Den tidlegare Ap-toppen har søkt det ledige embetet som statsforvaltar i Norges to nordlegaste fylke.
Fram til kommunevalet i fjor var Pedersen ordførar i heimkommunen Tana i fire år.
Før ho blei stortingsrepresentant, fiskeriminister i Jens Stoltenbergs regjering og nestleiar i Ap, var Pedersen fylkesordførar i Finnmark.
