Donald Trump vil eige Gaza: – Heilt umogleg å fatte

KRIGEN I MIDTØSTEN: Palestinske Mohammed Ahmed reagerte med vantru då han høyrde president Donald Trump seie at «USA skal eige Gaza». Han ser at håpet for fred minskar hos palestinarar i Gaza.

RESTAURANT-VETERAN: Mohammed Ahmed opna Oslo-restauranten Habibi i 1997.

Erlend Berge

Tuva Hjeltnes journalist

Publisert 05.02.2025 - 20:29 Sist oppdatert 05.02.2025 - 20:52

– Eg trudde eg høyrde feil. I starten oppfatta eg det som at han ville bygge opp att Gaza, og så la folk få komme tilbake. Men, så høyrde eg ordet «eige», seier palestinske Mohammed Ahmed til Vårt Land.

Ahmed er eigar av restauranten Habibi i Oslo, og er no i gang med dagens opning. Opphavleg er han frå Nuseirat på Gazastripa, men kom til Norge som flyktning i 1988.

Han held fram med å fortelje korleis han spola tilbake på TV-en for å høyre ein gong til kva president Donald Trump hadde sagt.