80 år sidan sovjetiske styrkar slo opp porten
80 ÅR SIDAN: Stille kom dei fram, stilte seg ved dødsveggen. Dei overlevande frå dødsleiren heidrar dei mange som måtte bøte med livet i Auschwitz.
STILLE STUND: Overlevande tenner lys og heidrar dei mange som blei avretta ved dødsveggen i Auschwitz.
Oded Balilty
27. januar 1945 var pinslene over, for dei som framleis var i live i konsentrasjonsleiren Auschwitz, som ligg sør i Polen.
27. januar for 80 år sidan frigjorde soldatar frå Sovjetunionen leiren der om lag ein million menneske hadde mista livet.
27. januar er den internasjonale Holocaustdagen, til minne om dei mange som ikkje overlevde nazistanes industrielle folkemord.
