Gratisordning runda 1 million utlån av sportsutstyr
Stiftinga BUA har sidan 2016 lånt ut meir enn éin million utstyrseiningar av idretts- og friluftsutstyr. Idrettspresident Berit Kjøll gler seg over milepælen.
BUA står for «barn, unge, aktivitet» og er ei ideell stifting med utlånsordningar over 200 stader i landet.
– Gratis utstyr for alle gjer at fleire kan prøve ut nye aktivitetar. Det skaper allsidigheit og variasjon, og det er berekraftig, fordi du ikkje må kjøpe nytt utstyr. For oss i idrettsstyret som har økonomi som barriere øvst på dagsordenen, er Bua-initiativet eit kjærkomme tiltak som bidrege til å sikre at alle får tilgang til å delta i idretten, seier idrettspresident Berit Kjøll.
Annonse
Norges idrettsforbund er blant samarbeidspartnarane til BUA og har vore det sidan 2017.
Kjøll møtte onsdag Bua-styreleiar Lasse Heimdal og overrekte ei gåve: tre padlebrett som blir plasserte i ei av utlånsordningane.
Heimdal opplyser at nesten 450.000 av utstyrseiningane er lånte ut det siste året.
