Stoltenberg kondolerte soldatane etter Beiarn-ulykka

– La meg starte med å kondolere for tapa av dei fire amerikanske soldatane som døydde i den tragiske flyulykka, sa Stoltenberg til soldatane.

– Det er eit frykteleg tap for familiemedlemmer, deira kjære og for dei som mista medsoldatane sine, sa han vidare.

Flyet styrta i Beiarn i Nordland fredag 18. mars då det var på eit treningsoppdrag som del av Nato-øvinga Cold Response. Fire personar var om bord, og alle omkom.

Stoltenberg snakka så om viktigheita av å utføre øvinga Cold Response 2022. 27 Nato-land deltek i øvinga som skal vare fram til april.