Næringsministeren stranda i Frankfurt med covid-19

Næringsminister Jan Christian Vestre (Ap) måtte hoppe av regjeringas tur til Brussel då han testa positivt for koronaviruset.

Næringsminister Jan Christian Vestre (Ap) har testet positivt på koronavirus og er ikke med på besøket i Brussel.Foto: Beate Oma Dahle / NTB
Næringsminister Jan Christian Vestre (Ap) har testa positivt på koronavirus og er ikkje med på besøket i Brussel. Foto: Beate Oma Dahle / NTB
NPK-NTB
NTB Nyheter
Publisert Sist oppdatert

Det vart opplyst då resten av delegasjonen – statsminister Jonas Gahr Støre (Ap) og klima- og miljøminister Espen Barth Eide (Ap) kom til Brussel tysdag kveld.

– Næringsministeren har avlyst reisa si til Brussel fordi han har testa positivt for korona. Næringsministeren testar seg jamleg, og han testa seg òg før avreise til Brussel i dag tidleg. Resultatet var negativt. Han kjende lette symptom undervegs til Brussel, så han testa seg igjen. Første moglegheit på mellomlanding i Frankfurt i Tyskland. Då var resultatet positivt, sa kommunikasjonsrådgivar Yngve Angvik i Nærings- og fiskeridepartementet til NTB.

Vidare reise til Brussel vart dermed avlyst, og Nærings- og fiskeridepartementet undersøkjer no kva reglar som gjeld i Tyskland med tanke på vidare reise.

Også olje- og energiminister Marte Mjøs Persen (Ap) måtte avlyse Brussel-turen på grunn av at ho fekk påvist koronavirus.

(©NPK)

NPK-NTB
nyheter