Bakgrunnen for utsegnene er at søndag 6. februar er den internasjonale dagen mot kvinneleg kjønnslemlesting.
– Barneekteskap og kjønnslemlesting går dessverre ofte hand-i-hand, og under pandemien har dette auka. Regjeringa har eit ansvar og må løftar opp innsatsen for å kjempe mot slike skadelege skikkar, seier generalsekretær Dagfinn Høybråten i Kirkens Nødhjelp i ei pressemelding.
Han understrekar at praksisen med kjønnslemlesting er eit brot på menneskerettane.
Kjønnslemlesting omfattar alle inngrep som inneber å forandre eller skade kjønnsorganet til kvinna av ikkje-medisinske årsaker.
To millionar jenter står i dag i fare for å bli kjønnslemlesta, ifølgje FN. Dei peikar på at situasjonen til kvinner har forverra seg under pandemien, mellom anna på grunn av auka fattigdom og avgrensa tilgang til vern og helsetenester.
