Nyheter

Støre ba om pause i budsjettsamtalene for å høyre kona preike

GUDSTENESTE: Både statsminister Jonas Gahr Støre og Sp-leiar Trygve Slagsvold Vedum besøkte Uranienborg kyrkje førre søndag. Det dei høyrte der, fekk dei bruk for då dei kom tilbake til budsjettforhandlingane.

– På søndag byrja forhandlingane klokka ni, men så kom kyrkjetida. Det er ikkje alltid det bryt inn i Arbeidarpartiet sitt liv, men for meg gjorde det.

Det var på prateprogrammet Lindmo på NRK denne veka at Jonas Gahr fortalde om dette.

Drygt to veker tok det for regjeringspartia å komme til einig om eit statsbudsjett for 2021. Siste innspurt skal ha vart godt inn i nattetimane på søndag, men likevel tok altså statsministeren seg tid til å eit avbrekk på føremiddagen for å høyre kona Marit Slagsvold preike i Uranienborg kyrkje.

– Det var første søndag i advent og kyrkja var heilt full. Og der såg eg jammen at litt lenger borte sat Trygve og, sa Støre til programleiar Anne Lindmo.

– Vi fekk med oss gode ord frå kyrkja, og så løyste vi saka.

Kort veg

Heilag vreide

Teksten det vart preika over denne søndagen var Mattheus 21,10–17, og presten valde ifølgje Støre å fokusere på forteljinga om Jesus som reiv ned borda til pengevekslarane på tempelplassen.

– Det var det sitatet kor Jesus kom inn på plassen i Jerusalem og der ser han at det sit pengevekslarane og dueseljarar, og han velter borda. Han blir rasande. Så bodskapen til presten at det er lov å bli rasande, det er menneskeleg, sa statsministeren.

Han fortel at dette var noko han tok med seg tilbake til dei vidare forhandlingane med SV-leiar Audun Lysbakken.

– Når det drog seg litt til, så sa eg at det er lov å bli rasande dersom ein blir engasjert i noko.

– Tok du med litt heilag vreide frå gudstenesta, ville programleiar Lindmo vete.

– Eg tok med meg ei forsonande haldning om at det er lov å vere engasjert og litt heilag vreid. Det treng ikkje vere så heilagt heller, eigentleg, svara Støre til latter frå salen.

SYV KVINNER: Under høymessen i Oslo domkirke ble syv kvinner ordinert. Fire til prest, to til diakon og én til kateket. Her er de samlet utenfor domkirken i etterkant. Fra venstre: Kari Anne Omberg Lier, Maren Andrea Aasulvsen, Marit Slagsvold, Dina Willemse; biskop Kari Veiteberg, Maria Næs, Anne May Aakvik Agerup og Marte Lovise Sie Skogstad.

Ordinert i haust

Kona til Støre, Marit Slagsvold, har tidlegare vore gestaltterapeut, men har det siste tida teke etterutdanning på MF, og i september i år vart ho ordinert til prest i Uranienborg kyrkje. Slagsvold har ikkje gjennomført ei full teologiutdanning, men har i staden teke den sokalla «profetvegen» der hennar utdanning og røynsle blir godkjend som kvalifiserande til presteteneste, og ho har teke berre eit kortare praktisk-teologisk løp på MF.

Det var Oslo-biskop Kari Veiteberg som stod for ordinasjonen av Slagsvold.

– Det at ho med sin kompetanse kjem inn og gjer teneste som prest, gjer jo dette til ein gledesdag, sa biskopen til Vårt Land etter ordinasjonen.

Les mer om mer disse temaene:

Hans Andreas Starheim

Hans Andreas Starheim

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter