Nyheter

Polske medium: Migrantar skal ha teke seg over grensa frå Kviterussland

KVITERUSSLAND: To store grupper med migrantar skal ha teke seg over grensa frå Kviterussland til Polen, ifølgje polske medium.

Hviterussiske soldater holder vakt der migranter har samlet seg nær Grodno Grodno i Hviterussland, ved grensen til Polen. Foto: Leonid Shcheglov / BelTA via AP / NTB

Fleire titals menneske skal ha klart å øydeleggje grensegjerde nær landsbyane Krynki og Bialowieza for å ta seg over grensa, melder det polske nyheitsbyrået PAP, som siterte den lokale radiostasjonen Bialystok seint tysdag kveld.

Ei talskvinne for den polske grensevaktstyrken seier ifølgje radiostasjonen at det i begge tilfelle dreier seg om gjerde og sperringar som har vorte fjerna med makt.

Nokre migrantar vart tekne tilbake til Kviterussland, medan andre klarte å flykte frå staden, opplyser ho.

Vanskeleg å stadfeste

Det er svært vanskeleg å få uavhengig stadfesting på kva som går føre seg i grenseområdet, sidan journalistar blir halde unna på begge sider av grensa.

Ulike meldingar går ut på at det er hundrevis eller fleire tusenvis av migrantar som står på den kviterussiske sida av grensa.

Polen nektar å la migrantar sleppe ulovleg over grensa og har sendt store forsterkningar til EUs yttergrense dei siste vekene. Landet har òg sett opp eit piggtrådgjerde.

Tysdag kravde Kviterusslands leiar Aleksandr Lukasjenko at migrantane må få reise gjennom Polen. I hovudsak ønskjer dei å dra til Tyskland, ikkje Polen, sa han i eit intervju.

EU skuldar regimet hans for å hente migrantar til Kviterussland og deretter sende dei mot Polens grense, som gjengjelding for at EU har innført sanksjonar mot regimet.


Enkelte av artiklene i Vårt Land er forbeholdt abonnenter. Vi jobber hver dag for å levere dagsaktuelle nyheter og god journalistikk. Bli abonnent og få tilgang til alt innholdet vårt. Er du allerede abonnent? Takk for at du støtter oss så vi kan fortsette å levere kvalitetsjournalistikk hver dag!

Annonse
Annonse

Mer fra: Nyheter