Nyheter

Gratismedlemmer kan gje milliondryss til Human-Etisk Forbund

GRATIS: Human-Etisk Forbund kuttar ut kontigent i håp om å nå ut til fleire. Nye medlemmer kan gje mange millionar ekstra i statsstøtte.

No er det gratis å bli medlem i Human-Etisk Forbund. Landsmøtet vedtok i slutten av september å fjerna kontingenten, i første omgang som eit prøveprosjekt.

Vedtaket gjer at forbundet går glipp av rundt 20 millionar i året i kontingent. På motsett side er den potensielle vinninga stor.

– Rundt 200.000 nordmenn trur at dei er med i Human-Etisk Forbund, utan å vera det. Her ligg det eit stort potensial for organisasjonen, seier ny leiar i Human-Etisk Forbund, Christian Lomsdalen, til Vårt Land.

Det var NTB som først omtalte vedtaket.

Kan få 200—300 millionar kroner ekstra

Lomsdalen viser til ei undersøking Kantar har gjort for Human-Etisk Forbund. Her svarer 8 prosent av dei spurte, at dei er med i Human-Etisk Forbund. Det utgjer over 330.000 personar.

Det verkelege medlemstalet til forbundet, er rundt ein tredel av dette.

Ein ny medlem utløyser rett på 1300 kroner i statsstøtte. Om Human-Etisk Forbund klarar å verva 200.000 nye medlemmer, vil de gje ei auke i inntekter på rundt 250 millionar kroner.

Målet med kontingent-kuttet er å nå ut til fleire, seier Lomsdalen.

– Me ønsker å opna opp for alle humanistar, også for dei som ikkje vil betala kontingent. Det å betala for religion og livssyn er litt framand for mange, seier Lomsdalen til Vårt Land.

Har fått rundt 120 millionar i statsstøtte

Det at Human-Etisk Forbund fjernar kontingenten, gjer ikkje at dei misser statsstøtte.

Det opplyser Kjersti Nilsen, seniorkonsulent hjå Statsforvaltaren i Oslo og Viken.

– Human-Etisk Forbund bestemmer sjølv om dei vil ta kontingent eller ikkje. Mange tru- og livssynssamfunn har ikkje kontingent.

Ho opplyser at Human-Etisk Forbund i år får statsstøtte for rundt 91.300 medlemmer. Det gjev til saman ei statsstøtte på rundt 120 millionar kroner.

Statsstøtta til tru- og livssynssamfunn vart endra frå 1. januar i år. Medan støtta tidlegare vart delt ut både frå stat og kommune, er det no dei ti statsforvaltarane i landet som deler ut støtta.


Les mer om mer disse temaene:

Maria Lavik

Maria Lavik

Maria Lavik er nyhetsjournalist i Vårt Land. Hun skriver ofte om klima, landbruk, distrikt, abort, politikk, økonomi og ulikhet. I tillegg har hun skrevet flere reportasjer med tidsvitner til Norges nære historie. Hun har over 20 års erfaring som journalist, master i økonomisk historie og har skrevet en bok om barnefattigdom.

Vårt Land anbefaler

1

1

Annonse
Annonse

Les dagens papirutgave

e-avisen

Mer fra: Nyheter