Nyheter

Politiet skal etterforske trusler og hets mot MDG-Berg: – En stor lettelse

Miljøbyråd i Oslo Lan Marie Berg (MDG) takkar for omtanken etter at fleire har reagert på hat og hets mot henne på nettet. Oslopolitiet undersøkjer no saka.

[object Object]

– I går fekk eg beskjed om at politiet vil følgje opp fleire av dei hatefulle og truande kommentarane som har vorte retta mot meg den siste tida. Det er ein stor lette. Eg har òg sett stor pris på at mange, også politiske motstandarar, har sagt tydeleg ifrå om at det ikkje er greitt med hetsande eller truande kommentarar. Tusen takk for omtanken. Det varmar, skriv Berg i eit lengre innlegg på Facebook.

Politiet i Oslo opplyste måndag at dei har starta undersøkingar og vurderer etterforsking av truslar mot Berg. Ho er byråd for miljø og samferdsel i Oslo og har vore utsett for store mengder truslar på internett i fleire år.

Laurdag kveld uttalte olje- og energiminister Tina Bru (H) seg sterkt imot hetsen, etter at Filter Nyheter-redaktør Harald Klungtveit la ut ein skjermdump av ei rekkje hetsande kommentarar frå ei Facebook-gruppe.

Berg seier ho har prøvd å ikkje la seg merke av dei mange kommentarane fordi «usaklige og hatefulle kommentarer nettopp er ment til å distrahere og skremme».

– Derfor var det ein slags vekkjar òg for meg då journalist Harald S. Klungtveit samla saman døme frå eitt av dei mest aggressive kommentarfelta denne helga og delte dei på Facebook, skriv Berg.

(©NPK)

Enkelte av artiklene i Vårt Land er forbeholdt abonnenter. Vi jobber hver dag for å levere dagsaktuelle nyheter og god journalistikk. Bli abonnent og få tilgang til alt innholdet vårt. Er du allerede abonnent? Takk for at du støtter oss så vi kan fortsette å levere kvalitetsjournalistikk hver dag!

Annonse
Annonse

Mer fra: Nyheter