Nyheter

Står fast på fasten: Slik starta Ramadan over heile verda

Store bønesamlingar og kveldsmat i fellesskap skal kjenneteikne muslimane sin faste. Sjå korleis viruset påverkar den heilage månaden i år.

Workers disinfect the Cobanija mosque in Sarajevo, Bosnia, Tuesday, April 21, 2020. Disinfection began in mosques in the Bosnian capital Sarajevo and throughout the country, in order to limit the spread of the COVID-19 infections, ahead of holy month of Ramadan, although prayers will only be attended by Islamic clerics as the rest of the community observes government restrictions on public gatherings and religious ceremonies.(AP Photo/Kemal Softic)

Ramadan 2020 blir ei fastetid for historiebøkene.

Der muslimar vanlegvis kjem saman for å be og lese Koranen, hindrar fleire land sine korona-restriksjonar måtane og plassane ein tradisjonelt møtest på.

Men sjølv om koronaviruset råkar verda, held dei fleste på sjølve fasten likevel. Slik løyste muslimar starten ulike plassar i verda:


Frivillige desinfiserer den historiske Badshadi-moskeen før Ramadan kan byrje i Lahore i Pakistan. Foto: K.M. Chaudary / AP Photo.


Muslimske menn i Aceh-provinsen i Indonesia ber si tradisjonsrike 'tarawih'-bøn, og markerer Ramadans første kveld. Dei sit tett-i-tett, trass i eit tidlegare virusutbrot i ein moské i nærleiken. Foto: Zik Maulana / AP Photo.


Fastemånaden blir stillare enn vanleg i Madrid i Spania. Retningslinjene for Covid-19 har tømt skohylla i Islamic Cultural Center and Mosque. Foto: Bernat Armangue / AP Photo.


I Marseille i Sør-Frankrike har dei tenkt nytt. Imam Abderrahmane Ghoul i Tahara-moskeen kringkastar fredagsbøna via radio til dei tusen heimar.​ Foto: Daniel Cole / AP Photo.


Her lagar dei matpakkar til muslimske migrantar til iftaar, måltidet som bryt den dagslange fasta. I Mumbai i India er Ramadan vesentleg mindre folkerik enn vanleg. Folk må stort sett halde seg heime. Foto: Rajanish Kakade / AP Photo.


Med litt avstand møtest dei geistlege i ein elles tom moské i Sarajevo i Bosnia. Foto: Kemal Softic / AP Photo.

---

Ramadan

  • Ei muslimsk høgtid som blir feira fordi Muhammad fekk si første openberring på denne tida.
  • Den niande månaden i den islamske kalenderen, som følger månen.
  • Ramadan er Islams fastemånad. Dei flestemuslimar skal avstå frå å drikke og ete frå sola står opp til ho går ned. Då blir fasta brutt med kveldsmåltidet «iftar».
  • Fasta er i utgangspunktet obligatorisk for alle vaksne muslimar (over puberteten)
  • Ramadan blir avslutta med den religiøse festen id.
  • Festen blir innleia med høgtideleg fellesbøn og preik (khutba) i moskeen.
  • Kjelder: NRK.no og Helse-Norge.

---

Enkelte av artiklene i Vårt Land er forbeholdt abonnenter. Vi jobber hver dag for å levere dagsaktuelle nyheter og god journalistikk. Bli abonnent og få tilgang til alt innholdet vårt. Er du allerede abonnent? Takk for at du støtter oss så vi kan fortsette å levere kvalitetsjournalistikk hver dag!

Annonse
Annonse

Mer fra: Nyheter