Den norske kyrkjas sjefbiskop, Helga Haugland Byfuglien, varsla for vel tre veker sidan at ho går av over nyttår.
Etter 14 år som biskop – dei siste åtte åra som preses – held Byfuglien avskilsgudstenesta 26. januar i Nidaros domkyrkje. I juni blir ho 70 år.
No varslar biskopen i Oslo, Kari Veiteberg, at ho ikkje har tenkt å vere biskop heile yrkeslivet:
– Eg tenkjer at rundt sju år er fint, seier Veiteberg til magasinet Vi over 60.
LES MEIR: Veiteberg: – Folk kan fortsatt få håp, mot og mindre frykt
Blei biskop i 2017
Veiteberg, som er 58 år, blei biskop i Oslo i desember 2017. Ho har planar for kva ho kan tenkje seg å gjere etter at åra som biskop er over.
– Eg vil gjerne ha ein jobb etter dette, og det kan vere på ein institusjon, eller på gata.
Før ho blei biskop i Oslo var Veiteberg bymisjonsprest i Kirkens Bymisjon i Oslo.
