Solveig Horne rosar foreldre­mekling

Framstegspartiet styrer både Justisdepartementet (JD) og Barne-, likestillings- og inkluderingsdepartementet (BLD). I begge ­departement peikar politisk leiing på røynslene som prosjektet «Et spørsmål om ære» haustar.

– Vi kan nok vedgå at vi har kome litt til kort i møte med det som blir kalla ekstrem kontroll, seier statssekretær Vidar Brein-Karlsen i JD. Med «vi» meiner han det offentlege.

– I fleire saker som gjeld ­ekstrem kontroll er det ikkje snakk om straffbare forhold. Difor er prosjektet i Konfliktrådet i Sør-Trøndelag av stor verdi. Her ser vi korleis eit offentleg organ kan finne løysingar som kjem unge til gode.

Statssekretæren rosar konfliktrådet for å tatt initiativ til «Et spørsmål om ære». No ventar han spent på sluttrapporten frå Trondheim og kan ikkje seia kva som skjer vidare – til dømes la fleire konfliktråd starte med meklingar mellom foreldre og barn.

LES MER: Roper varsko om ekstrem kontroll av unge

Personleg fridom

Solveig Horne­ er både barne- og integreringsminister. Difor har ho ei klar melding til alle unge som ­lever med sterk sosial kontroll:

– Slikt skal ingen i Norge oppleve. Alle har rett til personleg fridom.

LES MER: – Vi burde ha forberedt familiene på utfordringene som kommer

Ho meiner Konfliktrådet i Sør-Trøndelag skaffar fram gode verktøy for korleis øydeleggjande konfliktar mellom foreldre og barn kan løysast.

Horne meiner kommunane som har introduksjonskurs for flyktningar som skal busetjast i Norge, må setje foreldrerettleiing og barne­oppdraging høgt på dagsorden.

– Mange er flinke, men mitt inntrykk er at for mange brukar for lite tid på dette og at det kjem for seint i opplegget, seier statsråden.

LES MER: Her er de unges fortvilede spørsmål til hjelpetjenesten

Kan avdekkje kontroll

Helsestasjonen og skulehelsetenesta er ein annan viktig arena når ein skal avdekkje og førebyggje sterk sosial kontroll, understrekar Horne.

– Difor er det viktig at helsestasjonane og skulehelsetenesta har minoritetskompetanse.

I haust skal regjeringa leggje fram ei ny likestillingsmelding. Her lovar Horne at tvangsekteskap, kjønnslemlesting og ekstrem kontroll skal viast merksemd. Ho vil særleg rette søkjelyset mot ­temaet minoritetsjenter og likestilling.

Følg oss på Facebook og Twitter!