Vatikanet har inngått ein avtale om samarbeid med nettstaden Youtube, melder den svenske avisa Dagen.
Tanken er at katolikkar og interesserte over heile verda skal få tilgang til levande bilete av pave Benedikt XVI og diverse kyrkjelege arrangement. Avtalen skal ifølgje nyhendebyrået Reuters presenterast på ein pressekonferanse neste veke. Dette skal vere den største satsinga den katolske kyrkja nokon gong har gjort på internett.
