Nyheter

Kyrkjeleiarar ber Noreg presse Israel til å verne palestinarar

Palestinarar har fått langt barskare kvardagar etter at norskleia observatørkorps blei kasta ut. Generalsekretær Olav Fykse Tveit i Kyrkjeverdsrådet (KV) ber om norsk press – og er skuffa over Noregs utanriksminister.

Bilde 1 av 2

KV-generalen leiar ein verdsvid kyrkjeorganisasjon: 350 medlemskyrkjer med drygt 500 millionar medlemmer i 110 land. Saman med fire norske kyrkjeleiarar har han vendt seg til utanriksminister Ine Eriksen Søreide (H) med ei «bekymringsmelding for sårbar sivilbefolkning i Hebron».

Byen Hebron ligg på den israelskokkuperte Vestbreidda og er delt i to. I H2-området som er styrt av Israel, bur det rundt 500 israelske settlarar og rundt 40.000 palestinarar.

I januar kasta Israels statsminister Benjamin Netanyahu ut observatørane i den norskleia TIPH-styrken som har vore i Hebron i over 20 år.

LES MER: Hebron-observatører venter på instruks

Mandatperiode

TIPH dokumenterte brot på menneskerettane og såg til at rørsle- og religionsfridomen til palestinarane blei respekterte i ein by med der israelske busetjarar og soldatar trakasserer palestinarar

Netanyahus nei til å fornye mandatperioden kom månaden etter at ein hemmelegstempla TIPH-rapport blei gjort kjent i den israelske avisa Haaretz. Rapporten sa at Israel er ansvarleg for systematiske overgrep mot palestinarane i Hebron. Dei blir jamnleg utsette for trakassering og overgrep av israelske busetjarar og israelske soldatar som vernar settlarane. Netanyahu melde på twitter at «Me kan ikkje lenger tillate internasjonale styrkar som er imot oss».

LES MER: Ledsagere trekkes ut av Hebron

Trakkassering

Dei fem norske kyrkjeleiarane skriv at tilhøva i Hebron endrar seg frå vondt til verre «med stadig økende grad av trakassering, vold og trusler rettet mot sivil lokalbefolkning og internasjonale observatører, utført av bosettere uten at israelske sikkerhetsstyrker har stoppet det».

I tillegg til KV-generalen har generalsekretær Berit Hagen Agøy i Mellomkyrkjeleg råd, generalsekretær Erhard Hermansen i Norges Kristne Råd, konstituert generalsekretær Lisa Sivertsen i Kirkens Nødhjelp og dagleg leiar Fredrik Glad-Gjernes i KFUK-KFUM Global signert brevet.

FN la i april fram ein rapport som fortel om vilkårleg husransaking, mellombelse husokkupasjonar, tilfeldige arrestasjonar, alt utført av israelske soldatar. Rapporten fortel også at settlarar kastar stein på palestinarar, set fram truslar og nektar dei å ta seg fram i delar av byen.

LES MER: Uakseptable israelske påstander om Hebron-påstander

Israel-press

I brevet til Søreide ber dei fem regjeringa med «en tydelig stemme» leggje press på Israel for å betre levekåra til palestinarane i Hebron. Konkret ber dei om stopp i «trakassering og voldelige angrep mot sivil lokalbefolkning og internasjonale observatører», «opprettholde Oslo-avtalen ved å fornye TIPHs mandat» og «utplassere en alternativ observatørstyrke i Hebron hvis TIPH ikke får fornyet mandatet».

Dersom Israel seier varig nei til TIPH, kan tryggingsstyrkar frå FN vere eit alternativ, meiner dei fem.

LES MER: Slutt på patruljeringen i Hebron

Uklar Søreide

Noreg leia Den internasjonale observatørstyrken TIPH i Hebron sidan han blei utplassert i 1997 og fram til Israel nekta å forlenge mandatperioden 31. januar i år. Utanriksdepartementet opplyser at avviklinga av styrken i hovudsak var ferdig i slutten av april.

Søreide skriv i svarbrevet til dei fem kyrkjeleiarane at ho beklagar avviklinga av TIPH – og at ho har teke avgjerda opp med Israels statsminister Benjamin Netanyahu. Men Søreide skriv ikkje kva ho konkret tok opp med Israels regjeringssjef; om ho tok opp forslaga som blei reist av kyrkjeleiarane. Likevel seier Søreide at ho ser med uro på tilhøva i Hebron:

– Situasjonen i Hebron er spent og skjør. Jeg er bekymret for den videre utviklingen, særlig i H2-området.

«Skuffa»

Agøy seier svaret frå utanriksministeren «er som venta»:

– Søreide seier berre det ho har sagt før. Me er skuffa, for me hadde venta ei meir offensiv haldning andsynes Israels framferd i hebron, seier Hagen Agøy til Vårt Land.

Hotellokkupasjon

I 1967 kom Hebron på israelske hender då Vestbreidda blei okkupert etter seksdagarskrigen. Israel nekta jødiske settlarar å slå seg ned i byen, men i 1968 leigde ei gruppe jødar alle romma på Park Hotel i Hebron, for aldri å sjekke ut igjen. I åra som kom fekk «hotellgjestane» selskap av busetjarar som har flytta inn i hus i byen og jaga vekk palestinarar.

Ein israelsk domstol påla nyleg israelske busetjarar å betale 161.000 dollar – eller vel 1,4 millionar kroner, til den opphavlege palestinske huseigaren, melder avisa Haaretz. Dommen er anka.

Les mer om mer disse temaene:

Bjørgulv K. Bjåen

Bjørgulv K. Bjåen

Bjørgulv K. Bjåen er journalist i nyhetsavdelingen i Vårt Land.

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter