Nyheter

Framleis prestestyre i Lillestrøm

Jørgen Vik er det tredje Ap-presten som blir ordførar i Romerike-kommunen.

Bilde 1 av 2

– Eg er glad og stolt over den tilliten eg har fått når eg no blir ordførar, både frå partia her og frå mitt eige parti, seier Jørgen Vik til Romerikes Blad.

Dermed blir Vik den første ordføraren i nye Lillestrøm kommune. Skedsmo, Fet og Sørum blir 1. januar 2020 Lillestrøm - og får 87.500 innbyggjarar, og Norges niande største kommune.

LES MEIR: KrF under sperregrensen

Prestar på topp

Både ved årets val og tidlegare val i Skedsmo har Arbeidarpartiet hatt for vane å setje prestar frå Den norske kyrkja på topp på vallista.

Først ute var soknepresten Andreas Hamnes som blei valt til ordførar i 1991. Han hadde vervet heilt fram til 2005.

Ved kommunevalet i 2011 blei soknepresten Ole Jacob Flæten valt til ordførar. Han tok to periodar, men takka for seg ved årets val.

LES MEIR: Demokratene vil ha KrF-ordfører

Utdanna teolog

Vik er utdanna teolog og har vore kapellan i Skedsmo kyrkjelyd i nesten ni år, og nestleiar i Presteforeningen. Sidan 2010 har Vik arbeidd med rekruttering, HR og endringsleiing i Adecco og Institutt for energiteknikk.

I 2011 blei teologen valt inn i kommunestyret i Skedsmo, og er no gruppeleiar for Ap.

Les mer om mer disse temaene:

Bjørgulv K. Bjåen

Bjørgulv K. Bjåen

Bjørgulv K. Bjåen er journalist i nyhetsavdelingen i Vårt Land.

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter