Nyheter

Får 250 kroner for kvart innskot i sædbanken

Eggdonasjon er forbode. Sæddonasjon er lovleg. For kvar boks sæd får donorane 250 kroner.

Å hjelpe barnlause i Norge skal vere ei altruistisk gjerning; noko ein gjer av ueigennytte og i nestekjærleik.

Difor får menn som stiller opp som sædgjevarar, og leverer etterspurde innskot i landets to sædbankar, berre ein symbolsk sum:

«Det gis en økonomisk kompensasjon på kr 250,- for hver sæddonasjon. Dette er til dekning av reiseutgifter og tapt arbeidsfortjeneste. Utover dette kan dokumenterte reiseutgifter for rimeligste reiseform på inntil kr 500,- refunderes etter regning», opplyser Oslo universitetssykehus.

LES MEIR Donerer egg av nestekjærleik

Peikepinn

Kompensasjonen som blir sæddonoarar til del kan gje ein peikepinn på kvar Stortinget og Helsedepartementet meiner ein eventuell kompensasjon for eggdonorar bør liggje – dersom Stortinget seier ja til eggdonasjon i vår.

På spørsmål om kvifor norske menn bør bli sæddonorar, svarar Oslo universitetssykehus slik:

«Fordi du ønsker å hjelpe ufrivillig barnløse. Ikke alle, som ønsker seg det, får barn. Mellom 10 og 15 prosent av alle par har problemer med å få barn. Assistert befruktning med din sæd kan hjelpe noen av disse.»

LES MEIR: Avviser betaling for egg

Åtte barn

Norge har to sædbankar, ein på Rikshospitalet i Oslo og ein på Fertilitetssenteret ved Haugesund sykehus. Mennene som vender seg hit får denne informasjonen om kva sæden deira blir brukt til:

«Å være sædgiver innebærer å gi av din sæd til en sædbank. Sæden oppbevares frossen og vil bli brukt til å hjelpe ufrivillig barnløse. Den kan brukes til å hjelpe inntil 8 barn til verden. Den overskytende sæd vil deretter bli destruert. Du kan når som helst før befruktning trekke tilbake ditt samtykke om bruk av din sæd og sæden vil da bli destruert.»

Ikkje anonyme

I 2005 endra Stortinget lovverket. Norske sæddonorar kan ikkje vere anonyme. Ved fylte 18 år kan barn få vite kven donorfaren er. Det førte til sterk nedgang i talet donorar, og Norge har måtta importere sæd frå særleg Danmark.

Les mer om mer disse temaene:

Bjørgulv K. Bjåen

Bjørgulv K. Bjåen

Bjørgulv K. Bjåen er journalist i nyhetsavdelingen i Vårt Land.

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter