Nyheter

Albansk småbarnsfamilie i kyrkjeasyl

Familien Angjellari vart henta av politiet og skulle sendast ut av landet. Nå bur dei i Nysæter kyrkje – og der får dei bli.

Bilde 1 av 3

Fredag førre veke vart TV-journalist Genci Angjellari (30), kona Fatjona (26) og dottera på vel eitt år henta av politiet på Heiane mottakssenter klokka fem om morgonen. Dei vart tekne med til Oslo, der dei vart innlosjert på hotell.

Det var Sunnhordland avis som først omtalte saka.

Tok tog tilbake

Den albanske familien vart ikkje verande i Oslo lenge.

– Politiet heldt ikkje vakt over oss. Vi gjekk først innom ei kyrkje i Oslo, men dei rådde oss til å oppsøkje ei kyrkje der me kjende folk. Då bestemte vi oss for å reisa til Stord igjen, der vi har fått gode vener, seier Genci Angjellari til Sunnhordland avis.

LES OGSÅ: Gjorde huset om til kirkeasyl

Avslag på asylsøknad

Familien søkte om asyl i Noreg 22. november i fjor og budde først på Bømlo. Sidan har Utlendingsnemnda (UNE) avslått asylsøknaden deira to gongar. Det siste avslaget var førre torsdag, få timar før politiet kom på døra.

Då familiens advokat, Arild Birkeland, fekk høyre om det siste avslaget, kontakta han Oslo byfogdembete, med krav om at familien måtte få bli i landet til dei har fått saka opp for tingretten i Oslo.

– Eg kjem til å møte hjå Byfogden denne veka. Kyrkjeasylantane kan vere med via Skype, fortel han til lokalavisa.

– Byfogden brukar truleg om lag ei veke på å avgjere om dei får bli her til vi får sak opp i tingretten. Altså kan det no gå tre veker før dei veit om dei trygt kan gå ut av kyrkjeasylet fram til ei tingrettssak, seier advokaten.

Får god hjelp

Genci og Fatjona Angjellari har no budd nesten ei veke i kyrkjerommet i Nysæter kyrkje, saman med dottera si. Tysdag var det møte i soknerådet, og det var brei einigheit om at familien skulle få bli i kyrkja – på ubestemt tid.

– Dette er ein familie som har gått i vår kyrkje og er ein del av kyrkjelyden. Vi føler vi har ansvar for å hjelpe dei, seier soknerådsleiar Hildegunn Sæbø Heimro, til Vårt Land.

Fleire medlemmar av kyrkjelyden deler på å hjelpe familien, ifølgje Sunnhordland avis.

– Me har svært vondt av dei. Det er ikkje tvil om at dei fryktar for å reisa tilbake til Albania, der dei hadde jobbar, husvære og familie. Sjølvsagt ville dei helst vore der dersom dei kunne kjenna seg trygge, seier dei Solveig Færevaag Nome og ektemannen Johan Nome, medan dei har den vesle jenta i familien på fanget.

LES OGSÅ: Bygger barnehjem fra studenthybelen

Avslørte korrupsjon

Som TV-journalist jobba Genci Angjellari med fleire saker om korrupsjon i heimlandet Albania. Konsekvensane av dette var at han vart truga med kniv og banka opp på ein politistasjon. Han hevdar politisjefen truga med å drepe han og familien hans.

16. juni i år – ei veke før valet i Albania – vart TV-kanalen stengd av styresmaktene.

– TV-kanalen var kritisk til styresmaktene og avslørte korrupsjon. Difor stengde dei den, seier Angjellari.

Fleire har flykta

Familiens advokat meiner det er svært sannsynleg at Angjellari vart truga på livet.

– Amnesty International har laga eit oversyn over andre journalistar som har måtta flykta frå Albania fordi dei er i fare som følgje av jobben. Organisasjonen Reporters Without Borders har erklært at dei er overtydde om at journalisten ikkje er sikra tryggleik ved retur, og dei oppmodar på det sterkaste om at han får bu trygt i Norge, seier Birkeland.

Følg oss på Facebook og Twitter!

Slik informasjon har advokaten fått frå blant andre Norsk journalistlag (NJ). Genci Angjellari kontakta dei og ba om hjelp, og NJ har følgd saka sidan jul.

– Vi kan ikkje skaffe folk opphaldsløyve, men vi kan skaffe informasjon om situasjonen for media og journalistar i landa som asylsøkjarane kjem frå, seier utanrikspolitisk ansvarleg i NJ, Eva Stabell.

NJ har mellom anna kontakta Den internasjonale journalistføderasjon, som har gitt dei kontaktar i Albania.

– Vanskeleg sak

NJ får nokre få slike førespurnadar kvart år. Det går litt i bølgjer, ifølgje Stabell. Men ho understrekar at nettopp denne saka er vanskeleg.

– Det er vanskeleg å få noko solid informasjon frå Albania. I tillegg er det ikkje eit land i krise, som mange andre stadar, seier ho.

– Eg veit om journalistar frå Albania som har fått asyl, men også dei som ikkje har fått det. Det er vanskeleg å dokumentere situasjonen.

NJ har anbefalt familien å ta kontakt med NOAS (Norsk organisasjon for asylsøkere).

Les mer om mer disse temaene:

Anita Grønningsæter Digernes

Anita Grønningsæter Digernes

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter