Folkerøysting om «Bibi»
Skulle Benjamin Netanyahu bli attvald som israelsk statsminister i dagens val, er evneløyse hos motstandarane forklaringa.
I byen Ramat Gan nær Tel Aviv krysser folk gata medan valplakaten oppfordrar til å stemme på Benjamin Netanyahu og partiet Likud. «Netanyahu har rykka til høgre og valt meir og meir busetjar-retorikk som stengjer døra for ein palestinsk stat», skriv Johannes Morken.
Nir Elias/NTB scanpix
Det burde vore uråd for Benjamin Netanyahu å bli attvald som israelsk statsminister. Skulle han klare det etter dagens val, er det evneløyse hos motstandarane hans som er forklaringa.
Benjamin «Bibi» Netanyahu har vore israelsk statsminister i ni år i tre periodar. Skulle det norske ordet regjeringsslitasje hatt noka som helst meining, burde det sendt «Bibi» langt ut av israelsk topp-politikk. Likevel er det slett ikkje sikkert at det skjer. Dagens val er meir jamnt enn på lenge.
Netanyahu og Likud-partiet hans har i det siste gått sakte nedover på meiningsmålingane. Sionistunionen, ei samling av det gamle Arbeidarpartiet og ein tidlegare Likud-avhoppar, Tzipi Livni, leier med nokre mandat. Men Sionistunionen får neppe meir enn 25, mot Likuds 21 på målingane. Det viktigaste spørsmålet er ikkje kva parti som blir størst, sidan ingen er verkeleg store, men kven som etter valet kan hestehandle fram eit fleirtal av høgt motstridande interesser. Denne brutale hestehandelen kan, som vanleg i israelsk politikk, ta veker.
Bestill abonnement her
KJØP
