Ein Gud for dei små eller store ting?
Seier vi at Bibelens ord er irrelevante for område så vesentlege som truskap, sex og samliv, endar vi fort opp med eit konturlaust sett «kristne verdiar» og ein Gud som er fjernt frå oss både i smått og stort.
Sofie Braut (bildet) er lektor og skribent og spaltist i Vårt Land.
Marie von Krogh
Sofie Braut
Lektor og skribent
Rett som det er dukkar det opp diskusjonar om kristenlivet, om det vi kanskje kan kalla trua sitt mikrokosmos; den enkelte sitt åndelege liv. Progressive stemmer hevdar gjerne at vi må unngå å bli småkårskristne som dyrkar Gud på vår eigen vesle husmannsåker. Vi må løfta blikket frå småtinga når vi ber, for eksempel, for det er banalt å be Gud hjelpa meg å finna nøkkelknippet mitt når verda må takla klimasamanbrot og koronakrise. Gud har faktisk andre ting å ta seg av. Dessutan: korleis kan eg rekna med å bli bønnhøyrt når eg er så egoistisk at eg ber Gud rydda opp i min distré kvardag?
