Sperregrensa bør senkast
Den beste måten å ta vare på det norske demokratiet er å senke sperregrensa til 3 prosent.
3 PROSENT: Dersom sperregrensa senkast til 3 prosent, kan Bjørnar Moxnes frå Raudt og dei andre småpartia få betre representasjon i Stortinget.Foto: Ole Berg-Rusten / NTB
Ole Berg-Rusten
Dette er en leder. Lederen gir uttrykk for Vårt Lands syn. Sjefredaktør og politisk redaktør har ansvar for innholdet.
Førre veke skreiv Vårt Land om korleis 300.000 stemmer kan gå tapt dersom Venstre, MDG, KrF og Raudt ikkje kjem seg over sperregrensa på 4 prosent oppslutning. Saka viser at vi med dagens valordning ved valet kan hamne i ein situasjon der nesten kvar sjette veljar risikerer å meir eller mindre kaste bort stemma si.
Dersom dei fire nemnde partia bryt sperregrensa ved valet, vil desse stemmene utløyse såkalla utjamningsmandat. Det er berre partia som kjem over sperregrensa som får ta del i potten på 19 utjamningsmandat. Funksjonen til desse utjamningsmandata er å jamne ut forskjellen mellom kor mange veljarar som står bak kvar representant på Stortinget.
