Storstilt feiring av KKVs femti år
JUBILEUMSKONSERT: Bjørn Eidsvåg var blant artistane og kronprinsesse Mette-Marit sat på første rad under Kirkelig Kulturverksteds jubileumskonsert søndag kveld.
JUBILEUMSKONSERT: Bjørn Eidsvåg sang både «Eg ser» og «Kyrie» under jubileumskonserten for Kirkelig Kulturverksted i Kulturkirken Jakob i Oslo søndag kveld.
Amanda Pedersen Giske / POOL
Plateselskapet Kirkelig Kulturverksted inviterte søndag kveld til jubileumskonsert i Kulturkirken Jakob i Oslo. Artisten Sarah Camille leia publikum gjennom eit konsertprogram med fleire sterke stemmer som har samarbeidd med KKV.
– Eg er forventingsfull også til det som skal skje framover på KKV, under leiing av Hans Olav Baden, sa Bjørn Eidsvåg frå scena, og markerte såleis at det ikkje var eit punktum som blei sett denne søndagskvelden.
Konserten som hadde tittelen «I begynnelsen var pulsen – 50 års lidenskap» gav likevel eit lite innblikk i noko av det Kirkelig Kulturverksted har bidratt med i norsk musikkliv, med artistar som Eidsvåg, Kari Bremnes og Karoline Krüger på programmet.
