Sagaen som ikkje tok slutt
LITTERATUR: Margit Sandemo blei skulda for å lefle med djevelen og bøkene hennar blei brende på bål. På nytt er Isfolket-forfattaren brennaktuell.
SKAPTE ENGASJEMENT: Margit Sandemo blei både elska av folket og hardt kritisert av ein del kristne på 1980- og 1990-talet. Seinare stilna kritikken av. Her frå ein samtale mellom Sandemo og Joralf «Snåsamannen» Gjerstad i 2010.
Gorm Kallestad/NTB kultur
– Margit Sandemos Isfolket fekk heile Noreg til å lese, seier Sølvi Wærhaug.
I april er det 100 år sidan Sandemo blei fødd. Til saman blei Isfolket-serien, som kom ut på 1980-talet, trykt opp i over seks millionar eksemplar berre i Noreg. Det er seld over 40 millionar bøker totalt. Sagaen om Isfolket var ein retteleg kioskveltar.
– Sandemo introduserte fantasy-sjangeren for det breie laget av befolkninga, både kvinner og menn, små og store – og ikkje minst ungdom. Serien hennar var uhyre populær og bana vegen for ei rekke andre underhaldningsforfattarar.
